I siste samling i CoP Digitalisering 11. oktober 2017 bestemte vi at det er ønskelig med ei meir målretta og presis definering av kva tema CoP Digitalisering skal diskutere framover. For å finne  ut kva deltakarane meiner om dette vart det sendt ut ei undersøking der vi ba om at respondentane skulle prioritere mellom ulike problemstillingar. Resultatet er no kjent. I møtet 30. januar 2018 skal vi diskutere vegen vidare basert på dette resultatet. Skal vi velje ein spesifikk problemstilling? I så fall kva for ein? Er det aktuelt å overføre problemstillingar til andre CoP (med same tema)? Skal vi splitte CoP Digitalisering i fleire parallelle, målretta grupper? Korleis skal vi gå fram for å sikre engasjement på tvers av næringar?

Programmet for øvrig blir presentasjonar frå WSP Norge og diskusjon rundt digitaliseringa sin påverknad på prosjektledelsen.

Meir detaljar vert supplert når det nærmar seg. Foreløpig: Sett av datoen 30. januar!

Samlinga vert kl. 08:30 til 12:00 på WSP Norge AS i Fred Olsensgt 1, 0152 Oslo.

Ole Jonny Klakegg

Prosjekt Norge